Cynghrair Cwis Pwllheli a'r Cylch
23/4/2013 Ty Newydd Sarn v Tafarn y Plu
30/4/2013 Tafarn y Plu v Twnti B


Cynghrair Dartiau Porthmadog a'r Cylch
18/4/2013 Griffin v Tafarn y Plu
22/4/2013 Tlws Derwen, rownd derfynol
25/4/2013 Tafarn y Plu v Stesion

Grwp Darllen
Ebrill 30ain. 7.30yh. Yn Y Caban, efo Aled Jones Williams.

Grwp Darllen
Mai 7fed. 7.30yh. Yn Y Caban, efo Aled Jones Williams.

Gwyl Wil Sam
Mai 13-18. Cynhelir wythnos o ddigwyddiadau i gofio'r dramodydd Wil Sam, pryd y bydd croeso cynnes i chi ymweld a ni yn y dafarn lle bu'n gwsmer selog. Bydd arddangosfa fechan o bosteri o'i ddramau i'w gweld yma, a bydd Cwrw Wil Sam arbennig ar werth. Ar nos Lun Mai 13eg, cynhelir noson o hel atgofion yma yn Y Plu, a bydd grwp darllen Aled Jones Williams yn ymgynnull yma ar y nos Fawrth. Cynhelir darlith goffa yn neuadd y pentref yng nghwmni Gruffydd Eifion Owen ar y nos Fercher, a noson o ffilmiau o archifau'r Llyfrgell Genedlaethol yn Amgueddfa Lloyd George ar y nos Iau. Ar nos Wener yr 17eg ceir cyflwyniad o'i waith un ai yn hen Theatr y Gegin yng Nghricieth neu yn Neuadd Llanystumdwy. Bydd taith feiciau ar hyd hoff lonydd Wil Sam yn cychwyn oddi yma am 10.30 fore Sadwrn, a chloir yr hwyl mewn stomp o dan ofal y Prifardd Twm Morys yn y neuadd am 7.30yh.

Nosweithiau Cerdd Byrfyfyr
Does wybod pwy fydd yn troi fyny, pa bryd, nac efo pa offeryn, er mwyn cynnal noson hwyliog ac anffurfiol o greu cerddoriaeth, yn y traddodiad Celtaidd gorau posib.

Lansio Llyfr
Bwriedir cynnal noson i ddathlu lansio llyfr diweddaraf Ian, Nid yr A470, yn fuan. Cadwch lygad ar y wefan hon am fanylion pellach.

Gwyl Cricieth
Nos Fercher, Mehefin 19eg. 9yh. Noson o adloniant gwerinol ei naws, fel rhan o arlwy Gwyl Cricieth. Rhagor o fanylion maes o law.