Ein bwriad ydy cynnig blas o Gymru drwy fwydlen, diodlen ac awyrgylch. Mae’n cwrw go iawn bron yn ddi-eithriad yn cael ei fragu yng Nghymru, ran amlaf gan Fragdy Conwy, Bragdy'r Gogarth, Felinfoel neu Brains. Byddwn hefyd o bryd i'w gilydd yn cadw cwrw Evan Evans o Landeilo neu o gwmni Breconshire Brewery yn Aberhonddu. A beth am roi cynnig ar Gwrw Lloyd George, caiff ei fragu'n arbennig inni yng Nghymru.
Rydym hefyd yn gwerthu cwrw mawr ei glod Bragdy'r Mŵs Piws o Borthmadog.
Yn y cyfamser mae dewis eang o gwrw Cymreig wastad ar gael yn ogystal ag enwau rhyngwladol fel Guinness a Becks. Rydym hefyd yn cadw seidr Cymreig, cynnyrch Gwynt y Ddraig o'r botel, neu gynnyrch fferm go iawn gan amrywiol gynhyrchwyr bychain o blith aelodau Cymdeithas Seidr a Pherai Cymru.



Cynigiwn wirodydd Cymreig fel wisgi Penderyn, fodca a jin Aberhonddu, a dewis o wirodydd arbenigol Cymru ochr yn ochr � dewis helaeth o ddiodydd o wledydd eraill. Os oes blys arnoch am Bacardi, wisgi Albanaidd neu Wyddelig, neu joch o fourbon enwog Evan Williams - mae’r rheiny ganddom hefyd. Ac mae’n rhestr win - gan gynnwys gwinoedd Cymreig fel Ffynnon Las o Aberaeron - yn mynd a chi ar wibdaith gynhwysfawr drwy wledydd cynhyrchu gwin enwocaf y ddaear.